سألنا طلبة الثانوية العامة.. هتعملوا أيه لو خرجتوا مع ساندى وظافر العابدين؟

زلزال يضرب البيوت المصرية فى التوقيت ذاته من كل عام، للخروج بأكبر نجاح يمكن تحقيقه، فى معركة الثانوية العامة أولى معارك الحياة التى تواجه أبنائنا، مستخدمين سلاح الورقة والقلم ودعم الأسرة فى مواجهتها، إلى أن ظهر نوع جديد من الدعم وهو دعم الفنانين بالخروج يوم، ولتمنى العديد من الفتيات الخروج مع الفنان ظافر العابدين،  ورغبة الشباب فى الخروج مع الفنانة ساندى صاحبة المبادرة يطرح اليوم السابع على طلاب الثانوية سؤال للبنات " هتعملى إيه لو خرجتى مع ظافر ؟"، وللشباب خطط ليوم مع ساندى، كسيناريو تخيلى لقضاء يوم ممتع، حيث جاءت ردودهم كالآتى :

محمد الشامى : هخلى أمى تعزم ساندى على أكلة سمك

محمد الشامى

ويقول محمد الشامى، الطالب بالصف الثالث الثانوى، لـ " اليوم السابع "، " مبادرة الفنانة ساندى للخروج مع الأول على الثانوية العامة شجعتنى على المذاكرة، ولو خرجت معاها هخلى أمى تعزمها على الغداء فى اسماعيلية على أكلة سمك، ونلف على المدرسين اللى ساعدونى إنى أكون الأول على الجمهورية ".

أحمد محمود : هروح معاها لوكيشن التصوير

أحمد محمود

وكان رد أحمد محمود، طالب الثانوية العامة تخصص علمى رياضة، " لو خرجت مع ساندى هنروح أماكن كتير أهمها لوكيشن تصوير أغانيها، وهتعزمنى على تشاينيز فود " .

يوسف إبراهيم : هنركب خيل فى الأهرامات

يوسف إبراهيم

أما يوسف إبراهيم، طالب الثانوية تخصص أدبى، فقال " هطلع كبت الثانوية بالسفر فى أى مكان، وهنركب خيل فى الأهرامات، ونتمشى والأكل اللى يعجبها هعزمها عليه، ولو ليا اختيار الفنانة هختار كندة علوش ".

ندى عبد النبى  وميار سلامة : أى حاجة من ظافر حلوة

ندى عبد النبى

فيما تقول ندى عبد النبى، الطالبة بالصف الثالث الثانوى بقسم علمى علوم، " أول ما عرفت موضع الخروجة على الفيس فرحت وحفزتنى للمذاكرة، مقالوش من الأول ليه إحنا فى نص السنة، وبعدين أنا لو خرجت مع ظافر دى حاجة حلوة مش مهم المكان".

ميار سلامة

أما ميار سلامة، طالبة الثانوية العامة بالقسم الأدبى، فقالت " ياريت أخرج مع ظافر العابدين فى أى مكان، دا أى حاجة منه حلوة والمهم أبقى معاه، ومن أول ما انتشر الموضوع على الشوسيال ميديا وبقول لزميلاتى يلا نذاكر يلا نذاكر".