مرتضى منصور: لن أضحى بمصطفى فتحى من أجل "ريجينى".. وأنا مش ببيع بطاطا

قال مرتضى منصور رئيس نادى الزمالك فى تعليقه على رفض احتراف مصطفى فتحى فى تورينو الإيطالي: "أنا مش ببيع بطاطا دول بيستهبلوا بالإيطالى هو أنا هضحى بمصطفى فتحى عشان ريجيني يعنى ما اللى قتله يتحاكم".

أضاف مرتضى منصور، فى تصريحات على هامش جلسة تجديد عقد باسم مرسى، أنه لا يقف أمام مستقبل لاعبى الفريق ضاربًا المثل بالموافقة من قبل على احتراف عمر جابر وكهربا ومحمد عبد الشافي، قائلاً: "مصطفى كان نفسه يحترف وأنا وافقت لكن لما يقولوا مليون يورو وبعد كده 700 ألف يورو يشيل منها مصطفى 100 ألف يورو وبعدين 600 وبعدين 400 يبقى مرفوض وهو موجود مع الفريق وانتهى الموضوع".