مينا جميل يكتب: مش أنا

مش انا

اللى هكون عبد لقلبك

ولا أعيش مخدوع

قال ايه جنبك

ولكننى بعيد

مش انا

اللى هسيبلك احلامي

ده امل مقطوع

قلبك سايبك

وأنا قلبى عنيد

مش انا

اللى هكون بيكى المجنون

ولا هبكى يومين

ولا راح اضايقك

ولا هبقى وحيد

مش انا

اللى هضيع وسط التوهة

ولا وسط الموج

هتشدينى

انا لسه بعيش

والفرح هيجى يزورنى اكيد

مش انا

المغلوب على امرى هكون

مش هلطم ع القلب اللى يخون

مش هرضى اكون دايما متباع

مش هشترى قلب يكون بياع

مش هرسم حلم برمل البحر

مش هعملك عمولات ولا سحر

مش هتجنن ولا اعيش ف ضياع

مش انا

اللى هتطير لما تجيني

ولا نبضك يبقى ف شراييني

ولا دمعك ينزل من عيني

ولا لمسة ايدك تحيبني

ولا منك عقلى هيبقى شريد

مش انا اللى قريب من قلبك

دانا قلبى بعيد

مش انا

اللى بكلمه هكون ملكك

وارجع تاني

مش راح اسيبلك ثانية

تعيشى بين احضاني

م كفاية انا عشت سنين

م العمر ف حرماني

مش انا اللى هسلم لعنيكي

واغرق ف بحور من احزانى

مش انا

اللى فـ يوم ابدا ابدا هرجع تانى