بالفيديو.. محمد الننى يروى كواليس لقائه الأسطورة مارادونا

روى النجم المصرى محمد الننى، المحترف فى صفوف أرسنال الإنجليزى، كواليس لقائه النجم العالمى الأسطورة مارداونا.

وقال الننى، فى تصريحات لتليفزيون النادى الإنجليزى، إنه قابل مارادونا على هامش حضورهما حفل الفيفا لتوزيع جوائز الأفضل فى العالم، الذى أقيم فى العاصمة الإنجليزية لندن، مؤكدا: "مبسوط بصورتى مع مارادونا وبجد حاجة جميلة أنك تقرب من أحسن اللعيبة فى العالم، خلصت الحفلة وذهبت للفندق وسلمت عليه، ناس قالوله إنى بلعب فى أرسنال قالهم إنه متابعه وبتفرج عليه".

وأوضح الننى: "كنت مبسوط وأنا واقف جنبه، اسم مارادونا لوحده كفاية، وحاجة عظيمة إنى أتصور معاه، ربنا ممكن يكافئنى بحاجة بسيطة ممكن تكون صورة مع أسطورة قدر قيمتى وقدر لعبى". وتابع الننى: "كنت مكسوف وأنا بكلمه وقولتله مبسوط أنى شوفتك".