شاهد.. حوار مؤثر بين عادل إمام وسهير رمزى فى "حتى لا يطير الدخان"

نشرت صفحة "فن الحوار فى السينما والتلفزيون" على موقع التواصل الاجتماعى "فيس بوك"، حوارا لمشهد مؤثر من فيلم "حتى لا يطير الدخان" للكاتب الكبير إحسان عبد القدوس، سيناريو وحوار مصطفى محرم، إخراج أحمد يحيى وإنتاج عام 1984.

وجاء فى الحوار على لسان "فهمى عبد الهادى" عادل إمام :"أول مرة أحس ان السلم بتاعنا ده طويييييييييييل وعالى"، لترد "سنية" سهير رمزى :"أهلا فهمى بيه"، يجاوبها :"فهمى بس يا سنية" .. ترد :"أنا مكنتش اقدر اقولها الاول اقولها دلوقتى"،  يقول لها :"مكن ادخل"، ترد :"ده شرف ليا.. اتفضل"،  يقول :"سنية أنا محتاج لك"، ترد :"متتريقش عليا يا سعادة البيه ان كنت عايز تتسلى حرام عليك شوف لك حد تانى".

وفى الحوار يقول لها :"سنية حاولى تفهمينى انا يمكن الكلام اللى هاقولهولك كلام كبير عليكى شوية لكن انا واثق انه هايوصلك لانى صادق.. سنية انا حققت كل اللى انا عايزه بقيت غنى مشهور انتقمت من كل اللى حاولوا يذلونى فى يوم من الايام دوست على حاجات كتير استعملت ذكائى واستغليت نقطة ضعف كل اللى قابلتهم.. فى وسط ده يا سنية فقدت انسان عزيز عليا، فقدت فهمى عبد الهادى بنقائه وطيبته، خسرت فهمى عبد الهادى ابن رتيبة الفلاحة اللى كانت بتكافح بشرف وأمانة عشان تعلم ابنها وماتت من غير ما تدوس على كرامتها".