عمة الحايس لـ"اليوم السابع": هعمل حلة محشى لمحمد واستناه ييجى ياكلها

قالت عمة النقيب محمد الحايس: " الفرحة مش سايعانى بعد لما عرفت خبر رجوع محمد وهوزع شربات على الشارع كله، وخبر رجوع محمد حلم ليا فضلت أموت قصاده ١٣ يوما، وأنا مش عارفة أنام لكن هنام النهارده وأنا قلبى مطمن عليه وسعيد بوصوله".

وأكدت عمة الحايس فى تصريحاتها لـ"اليوم السابع": "هعمل حلة محشى من دلوقتى علشان محمد بيحبه واستناه لحد ميرجع وأكله بإيدى وأنام بعدها وأنا مطمنة عليه ."

وأكد بيان صادر عّن القوات المسلحة المصرية، أنه فى إطار العملية الناجحة التى قامت بها القوات المسلحة والشرطة والتى أسفرت عن القضاء على عدد كبير من العناصر الإرهابية بطريق الواحات، تم تحرير النقيب محمد الحايس من أيدى العناصر الارهابية.

وأوضح بيان القوات المسلحة، أن النقيب الحايس وصل بسلامة الله إلى أحد المطارات العسكرية برفقة عناصر من قوات الصاعقة، وتم نقلة إلى إحدى المستشفيات العسكرية لتلقيه الرعاية الطبية اللازمة.