قارئ يشارك بقصيدة بعنوان "دقة ساعة النصر" احتفالا بذكرى أكتوبر

أرسل القارئ حنا عادل النجار عضو نادى الشعر والأدب بنجع حمادى محافظة قنا، لخدمة صحافة المواطن قصيدة شعر من تأليفه، حبًا واعتزازًا بالقوات المسلحة المصرية فى ذكرى انتصارات أكتوبر المجيدة،  تحت عنوان "دقة ساعة النصر".

وجاء فى نص القصيدة:

دقه ساعه النصر

الساعه 2.5 قبل العصر

دقه ساعه الانتصار

الساعه الي رمينا فيها

ع اسرائيل العار

ساعه اختلط فيها

دم محمد ومينا

دم رفض ينشف

قبل متتحرر سينا

دم كتبنا بيه النصر

دم بسببه اترسمت الابتسامه

ابتسامه غابت من بيوت يامه

مرجعتش غير ف يوم الكرامه

كتبنا ع جبينا الشهاده

الرصاصه الي كانت بتجي فينا

كانت بالنسبالنا باب

للجنه وللسعاده

احكيلي علي الادان

ومعاه صوت الجرس

طيب فاكر محمد

لما كان راكع بيصلي

ومينا واقفله بالسلاح حرس

فاكر ضحكته السمره

ودمه الي سال ع الرمله

ضحكه مقدرش يقتلها المدفع

اندفن والابتسامه مشققه خدودوه

فرحان بالعبور وانه حقق لبلده وعوده

عبرنا بكل عزيمه

رجلينا كانت ثابته

كانها مربوطه بكلابش

ورافضه الهزيمه

اصلنا شعب عنيد ومبيخافش

فينا الي رجع حكي الحكايه

وفينا الي رجع ملفوف بعلم مصر

وف النهايه ؟

دقت ساعه النصر