بالفيديو.. عمرو أديب لـ"المنتخب": بكرة زى دلوقتى ممكن تكون مصر فى فرح غير طبيعى

ناشد الإعلامى عمرو أديب، لاعبى المنتخب الوطنى بضرورة التركيز فى مباراة الغد أمام الكونغو للوصول لمونديال كأس العالم 2018 بروسيا، وقال: "زى دلوقتى بكرة ممكن تكون مصر فى فرح غير طبيعى، إحنا إن شاء الله عاوزين نجيب جول ونخلص الماتش مش عاوز نقطع الشبكة".

وقال أديب، ببرنامج "كل يوم" المذاع عبر فضائية ON E موجها حديثه للمصريين: "لو سمحتوا إهدوا واصبروا كده ومتستعجلوش، عاوزين كل الناس تهدى كده.. قليل من الهدوء، وإن شاء الله بكرة يبقى عيد ومصر تقدر تعمل حاجة".

وأضاف عمرو أديب: "إن شاء الله بكرة هيتفك نحس كوبر فكا مبينا، وإن شاء الله بكرة زى دلوقتى قلب مصر هيقف، والمصريين شامين هواء موسكو، وبقول للاعبية مصر.. نحن نثق فيكم وعارفين إن انتوا قد المسئولية وعاوزين تدخلوا التاريخ".

جدير بالذكر أن المنتخب الوطنى سيدخل فى مباراة مصيرية مع المنتخب الكونغولى فى السابعة مساء غد الأحد على ملعب برج العرب، فى مباراة الجولة الخامسة من التصفيات المؤهلة لمونديال روسيا 2018.