عادل عبد الرحمن: مجدى عبد الغنى اعتقد أنى سرقت منه إنجازه فى كأس العالم

قال الكابتن عادل عبد الرحمن نجم منتخب مصر السابق، إن الكابتن مجدى عبد الغنى لامه على الجري للكاميرا عقب هدفه فى كأس العالم فى عام 1990، لأنه اعتقد أن ذلك الفعل سيسرق منه إنجازه بالهدف، وتابع: "لما مجدى عبد الغنى جاب الجول جري فى الحتة الغلط، وأنا رحت على الكاميرا، ومن سنة 90 مجدى عبد الغنى هو اللى سرق الكاميرات كلها.. وخلاص بقى تعبنا".

وأضاف عبد الرحمن، حواره مع الكاتب الصحفى خالد صلاح، ببرنامج "آخر النهار" المذاع عبر فضائية النهار: "لو مجبناش جول فى كأس العالم فى روسيا مجدى عبد الغنى هيكمل علينا"، مثنيا فى السياق ذاته على أداء لاعبى المنتخب الوطنى وقال: "عندنا لاعبين بتلعب فى الدورى الإنجليزى وأنا سعيد جدا لما رحنا لكأس العالم، وهبقى سعيد أكتر لما نتعود على كده".