صور..المتهم بسرقة 5 طن قضبان سكة حديد بقنا: "محدش بياكلها بالساهل"

المتهم بسرقة مهمات السكة الحديد بقنا

قنا- وائل محمد

الخميس، 16 نوفمبر 2017 04:35 م

بحثا وراء الثراء السريع، لم يجد تاجر خردة وسيلة للوصول إلى مراده، فى التحصل على الأموال الحرام غير تقطيع وسرقة مهمات السكة الحديد والتحف الموجودة فى الشوارع والميادين العامة بمحافظة قنا، لتقطيعها وبيع الحديد سبائك بعد تقطيع وتسييحه، متخذا من منزله مكانًا لإخفاء تلك المسروقات، والتعامل فيها بمعاونة شقيقه.

المتهم قال فى اعترافاته قيام "س.ع" 30 سنة "الخردة كانت الأول بتجيب فلوس كتيرة، لكن اليومين دول أصبحت مش جايبه همها، ففكرنا أزاى نجيب فلوس ونشتغل، اتفقنا مع بعض الأشخاص يسرقوا مهمات السكة الحديد والمرافق العامة فى الشوارع، ولما وجدنا فيها مكسب حلو، قمنا بتنفيذ وقائع سرقة متعددة، وكنا بنجيب الحديد ونقطعه ونبيعهه، و نتحصل على أموال كثيرة".

وأضاف المتهم خلال التحقيقات "محدش بياكلها بالساهل، لما الفلوس مشت معانا كنت بشغل العيال الصغيرة، وكنت بديهم طرق تحايل علشان يعرفوا يسرقوا، وفى أغلب الأوقات كنت بخرج انا واصطحب شقيقى ومعايا سيارة كارو محملة بالكراتين علشان محدش يشك فينا، وننتظر عقب صلاة الفجر لأنه الوقت المناسب بتكون الناس نايمة فيه، ويتولى شقيقى مراقبة الطريق بأحكام، وأنا أقوم بتقطيع المهمات أو بلاعات المجارى وشبكات المياه، وقولت أوسع نشاطى شوية ومعتمدش على الحجات إلى بتجينى".

واختتم المتهم أعترافاته "مهمات السكة الحديد كانت بتوزن معانا، وكنا نمش عل شريط السكة الحديد بالعربية، و نأخذ القطع الملقاة عل الأرض ونسيحها، وبعدين نبيعها لتجار الخردة الكبار والمصانع الموجودة فالقاهرة، وكنا بنكسب وبنشترى المخدرات إللى أحنا عاوزينها، ولم نتخيل أن ينكشف أمرنا، لأنى كنت أحرص أن أتعامل مع الأماكن التى نسرقها، وفى إحدى المرات الأمن عمل كمين وبعدين أرشدنا عن المخزن إلى كنا بنقطع فيه الحديد".

كانت وردت معلومات لضباط وحدة مباحث قسم شرطة محطة سكك حديد قنا، أكدتها التحريات السرية، مفادها قيام "س.ع"29 سنة ، بالاتجار فى المهمات المصلحية الخاصة بهيئة السكة الحديد والمرافق العامة، واتخاذها من مخزن بمحل إقامتها مكانًا لإخفاء تلك المسروقات، والتعامل فيها بمعاونة شقيقها يدعى "م.ع"،27 سنة.