القارئ إبراهيم الباز يشارك "صحافة المواطن" بقصيدة "لا للإرهاب"

شارك القارئ، إبراهيم الباز، خدمة "صحافة المواطن" بـ"اليوم السابع"، قصيدة، ينعى فيها شهداء حادث مسجد الروضة، بمركز بئر العبد فى محافظة شمال سيناء، والذى راح ضحيته 235 شهيداً، فضلاً عن 109 من المصابين.

وتقول القصيدة..

لا للإرهاب

ياللى بتقتل ناس فى عبادة

فاكر نفسك نلت شهادة

اوعى تصدق اللى قالولك

دمروا قتلوا مينا وغادة

مسلم هو ولا مسيحى

عندك قتله هيكون عادة

عمر ما دينك قالك يوم

خلى الدم يكون بزيادة

ربك حرم قتل النفس

وانت شيطانك حللهالك

هو الشعب ناقص غمك

سيبه فى حاله ماهواش ناقصك

شعب ملهى فى لقمة عيشه

وانت بتقتل كده ولا همك

جبت سلاحك قولى منين

تقتل ناس كانوا مساكين

انت وراك فكر عقيم

عمره ما كان فى المصريين

فكر صهاينة ناس شياطين

اسمع منى وبقولهالك

مصر بلادى دايما آمنة

ولا عمر الشعب يوم خان

والكل كان عايش فيها

والإرهاب ملهوش مكان

ناس تختلق فيها مصايب

ويقولوا ما فيش فيها أمان

ناس بتفجر فيها مساجد

نفسى أسألهم قبضوا كام

ناس قسموكى يا مصر اتنين

نص فلول والتانى إخوانى