السيسى بذكرى المولد النبوى: المجتمع كله مطالب بالحفاظ على مصر (صور)

وجه الرئيس عبد الفتاح السيسى حديثه للأئمة والحضور باحتفالية ذكرى المولد النبوى الشريف، قائلا: انتم كتائب النور التى وجب عليها إزالة الظلام، مضيفا: بقالنا 50 سنة والعمليات الإرهابية بتضرب، وطلبت محاكاة للاقتصاد المصرى لو لم يتعرض لضربات الإرهاب خلال الخمسين سنة اللى فاتت، وقولولى كان شكل مصر هايبقى عامل إزاى".

وأضاف الرئيس السيسى، خلال كلمته باحتفالية ذكرى المولد النبوى الشريف، "تبذل جهودا ضخمة جدا، ويستنزف فيها الاقتصاد، مش بقول الكلام ده علشان نقنع المتطرفين، لكن علشان تحافظوا على المعتدلين، وعلى الشعب المصرى وشبابه بعدم تأثرهم بهذه الافكار، لأنها لا تساعد على نهوض الشعوب والحضارات".

وتابع: "أحنا بنتكلم على 12 دولة بيعانوا من نفس المشكلة، بصوا كده على أفغانستان، وباكستان، والعراق، والصموال وليبيا، قولولى فين الدول دى وهاترجع تانى امتى، والمطلوب لإعمار سوريا 250 مليار دولار على الأقل، وتساءل: مين كان يقدر يقوم بالمهمة دى ويدمر الدولة دى بالطريقة دى، مافيش أى جيوش فى العالم تقدر تعمل كده، انتم معنيين بده، وكلنا كمجتمع إن احنا نحافظ على بلدنا علشان عندنا 100 مليون".