فيديو.. عمرو أديب لـ "أحمد شفيق": "مبارك برقبتك"

قال الإعلامى عمرو أديب، إنه ليس من المعجبين بالرئيس الأسبق مبارك، مستطرداً فى رسالة للفريق أحمد شفيق :"مبارك برقبتك.. مبارك قاعد هنا طلّع بيان عشان يحمى بلده، فى شرم الشيخ كان قدامه فرصة 15 يوم يسافر فى أى لحظة، وماراحش يعمل عمرة".

وأضاف خلال تقديمه برنامج "كل يوم"، على فضائية "ON E"، أنه كان سعيداً بترشيح شفيق لنفسه فى الانتخابات لأن له وزن ومؤيدين، ولكن ما فعله "انتحار"، مردفاً: "مش عاوز أناشد إخواننا فى الإمارات تانى، لأنه واضح من الكلام إنك مش ممنوع من السفر.. اتفضل".

وتابع أديب للقيادات فى الإمارات: " يوم ما ضربكوا، ضربكوا عند حد بيحب يضربكوا، واختياره كان واضحاً، هو قرر إنه يرد الجميل كده، والله لو دا حد غير ولاد الشيخ زايد.. هتسمع كلام وصور.. إنما دول ناس محترمة".