السيسى:الهدف من ضرب مصر إنها ماتقفش تانى وكل ما تقوم هيحاولوا يكسروا رجليها

وجه الرئيس عبد الفتاح السيسى كلمة للمصريين، قائلا: "لازم تنتبهوا إن الهدف من ضرب مصر إنها ما تقومش تانى وتقف على رجليها، وكل ما تقوم هنكسر لك رجلك وندخّلك فى إشكاليات كبيرة ومعادلة صعبة، وفى حالة السكوت مش هنخلّيك تطلع قدّام، وإن حاولت تطلع للأمام نكسرك"، مؤكدا أن محاربة هذا الأمر تحتاج لإصرار ونضال من مصر حكومة وشعب".

وأكد الرئيس السيسى، فى كلمته بجلسة "تحديات وقضايا تواجه شباب العالم.. سبل المواجهة لصناعة المستقبل" بمنتدى شباب العالم الذى تستضيفه شرم الشيخ بين 4 و10 نوفمبر، أن المصريين يخوضون معركة رائعة، وهذا ليس كلام مجاملة للمصريين، متابعا: "انتم بتسمعوا عنّا إننا ناس ضد حقوق الإنسان وناس ديكتاتوريين، وده مش حقيقة، إحنا بنحب شعبنا، وأمة عايزة تعيش زى ما انتم عايشين.. ونحن نحترم شعبنا".