فيديو معلوماتى.. فى سنة أولى أمومة.. اتعلمى خطوات الرضاعة الطبيعية

فى سنة أولى أمومة تفاصيل كثيرة تجهلها الأمهات فى التعامل مع طفلها، علشان كد هنبدأ معاكى خطوة بخطوة طرق التعامل مع الطفل من أول الولادة حتى السنين الأولى من عمره.

فتعتبر الرضاعة الطبيعية من أول وأهم مراحل التعامل مع طفلك، وعشان صحتك وصحة البيبى اعرفى خطوات الرضاعة الطبيعية  طبقا لموقع babycentre ، والدكتور علاء حامد استشارى صحة المرأة والطفل.

 1: قبل ما تبدأى فى الرضاعة الطبيعية، لازم تتأكدى كويس من نظافة الثدى علشان متعرضيش طفلك للميكروبات والجراثيم.

2: وكمان لازم تكونى عارفة أن لبن السرسوب مهم جدا لمناعة طفلك علشان كدا مهم جدا أنك تبدأى الرضاعة بعد الولادة على طول.

3:لو هتستخدمى"الثدى الأيسر" فى الرضاعة اسندى رأس طفلك بإيدك الشمال بزاوية 45 درجة.

4: علشان طفلك يحس معاكى بالأمان ضميه فى حضنك ويكون وشه فى وشك.

 5:خلى بالك واتأكدى كويس أنه بيتنفس بشكل طبيعى وهو بيرضع

7: لو كانت الولادة قيصرية  فى الحالة دى الرضاعة الطبيعية على السرير هتكون أفضل، ياريت تنامى على جنب واحد وطفلك يكون مواجه ليكى.

8: بلاش تقاطعى الطفل وهو بيرضع، استنى لغاية ما يشبع خالص ويسيبه لوحده أو ينام . 

9:انقلى الطفل بين الثديين كل عشر دقائق علشان يستفاد من اللبن ومتحسيش بالألم.

10:علشان تتأكدى أن طفلك شبع ومش محتاج يرضع تانى" أول حاجة هتظهر عليه النوم أو هيكون مرتاح ومبسوط ".

11: خلى بالك فترة الرضاعة مش هتقل عن نص ساعة.

12:أخر مرحلة هى "التجشوء" ودى من أهم مراحل الرضاعة، وفيها بتشيلى الطفل بحيث يكون ذقنه على كتفك واسندى رأسه وكتفه بإيدك وطبطى على ظهره براحة.