خالد جلال يكتب: صورة بالكربون

زى ماسبتك اول مرة

صورتك هى بالكربون

لسه حقيقتك جارحة ومُره

لسه عنيك قادرة تخون

لسه انانى بتخدع تانى

ومفيش مرة فيها تصون

لسه بتضحك نفس الضحكة

رغم مرور ست سنين

لسه عنيكى فيها اللهفة

عاوزة تصيبى فريستك فين

طبعا هدفك هو القلب

علشان يكره تانى يحب

ويزيد واحد من ضحاياكى

زى العادة اسم الحب

زى ماسبتك اول مرة

صورتك هى بالكربون

لسه حقيقتك جارحة ومُره

لسه عنيك قادرة تخون

لسه بتوهب كل حنانك

أصل حنانك كاس مسموم

يشرب منه ومن اوهامك

م انت ضميرك شىء معدوم

حابب ترضى كل غرورك

وتعيش كده مرتاح البال

بتعرف تلعب أزاى دورك

ويموت حبك كده فى الحال

زى ماسبتك اول مرة

صورتك هى بالكربون

لسه حقيقتك جارحه ومُره

لسه عنيك قادرة تخون

عامل زى الحيه تمام

قادر تخرج من جلدك

بتخدع عينهم بالاوان

وانت مفيش حد فى فكرك

هوايه عندك تجرح تخدع

ويموت كل قلوب الناس

ومفيش مره فيها بتشفع

م انت عديم حتى الاحساس

زى ماسبتك أول مره

صورتك هى بالكربون

لسه حقيقتك جارحه ومُره

لسه عنيك قادرة تخون