المصريون يحتلون صفحة "كافانى" نجم أوروجواى بفيس بوك بعد قرعة كأس العالم

اجتاح عدد كبير من المشجعين المصريين الصفحة الرسمية لنجم منتخب أوروجواى أديسون كافانى، بطريقتهم الخاصة، والتى لم تخل من خفة دم، وذلك بعد وقوع منتخب بلاده مع منتخب مصر فى نفس المجموعة بنهائيات كأس العالم فى روسيا.

بوست كافانى

واحتلت التعليقات الخاصة بالمصريين الصفحة الرسمية له، بعد إظهاره التحدى لمنتخب مصر، وفور كتابته عن وقوع أوروجواى مع نظيره المصرى تفاعلت الجماهير المصرية معه بسخرية شديدة.

فكتب حساب باسم أمير: "بص يا كافانى يا ابنى تهدى كده أنت وسواريز فى ماتش مصر بدل ما أفقعكم دعوة ألبسكم صليبى بعون الله"، كما كتب رامى: "ده إحنا هنفضل نحفل عليك لغاية كأس العالم بعد الجاى".

فيما قال يحيى: "بما أن المصريين كثير هنا ما تيجى نعمل ريبورت على الصفحة دى يمكن نقفلها ونعرفه قيمتنا.. Translation Egyptians love you so much".

وكتب طارق رسالة ساخرة لكافانى، على طريقة الفنانة دنيا سمير غانم بفيلم "طير أنت"، حيث قال: "لا لا على فكرة أنت فهمتنا غلط خالص.. أهدافك اللى أنت فرحان بيها دى وعمال تبعترها يمين وشمال لأنت من غيرها ناثينج.. بص يا أمور يا أبو دم خفيف يا بتاع دورى المعاقين أنت.. إحنا مش نيمار اللى بتزعقله بيسيبلك الكورة ولا ايمرى اللى بتشخط فيه عشان ينزلك الملعب.. أنت تيجى عندنا وتعمل استوب خط كده".

فيما تعجب فريد من عدم وجود تعليقات من أشخاص أجانب، دليل على سيطرة المصريين على الصفحة، قائلاً: "هى الأجانب فين فى البيدج أنا بقالى 5 دقايق بدور على واحد أجنبى وسط كل المصريين دول"، كما قال عادل :"اى يا جدعان قلبتوها صفحة كاڤانى المصرى من أول القرعة كده ليه ما تيجو نخش ع سواريز بقى شوية".

بينما أكد أحمد قدرة منتخب مصر على الفوز على منتخب أوروجواي، قائلاً: "أن كنت كفانى، فاحنا عندنا صلاح.. وإن كان سواريز بيعض، فعندنا طارق حامد بينطح".