مرتضى منصور للاعبى الزمالك: اللى مش مقدر قيمة النادى هياخد بالقديمة

أكد مرتضى منصور رئيس نادي الزمالك، إنه يدرس منح المونتينجرى نيبوشا، المدير الفنى للفريق الأبيض صلاحيات فنية بمفرده، من أجل إمكانية حسابه بمفرده أيضاً، مع إمكانية الاستعانة بشخص أجنبى فى جهازه المعاون.

قال مرتضى خلال تصريحات تليفزيونية: "بدرس منح نيبوشا صلاحيات بمفرده، لكن أنا مش بغير، ونيبوشا مستمر، ولو فى ناس فى الجهاز الفنى عايزة تستقيل تتفضل، واللاعيبة ليهم حساب معايا أنا، واللى مش عاجبه قميص الزمالك هياخد بالقديمة".

أضاف رئيس الزمالك: "أنا بس عايز أورى الناس لما غاب مرتضى منصور حصل إيه، لما غاب الكبير حصل إيه.. بقى هو ده الزمالك إللى كان بيلعب النهاردة؟!.. وده علشان الكبير غاب إللى بيعملوله ألف حساب.. وبوعد الجماهير بتعديل الأوضاع، وسيحدث ثورة فى الفريق، لكن أنتظر استلام مهام عملى بشكل قانونى".