مطعم فول وطعمية يرفع شعار "السندوتش بجنيه".. والأهالى: ربنا يجزيك خير

فى ظل حالة الغلاء المسيطرة على كل السلع صغيرها وكبيرها، رفع أحد المطاعم بمنطقة بتشيل بحى الوراق محافظة الجيزة، شعار "الكل هياكل"، معلنًا سعر خاصا للساندوتش المقدم لطلبة المدارس، بجنيه واحد فقط، مدير المطعم بدوره أكد أنه يحصل على دعم معنوى أكثر من المادى، خاصة فى ظل ارتفاع جميع السلع المرتبطة بالفول والطعمية.

وأشار هانى سيد مدير مطعم الفول والطعمية بمنطقة بشتيل لـ"اليوم السابع"، إلى أنه قام بتخفيض سعر الساندوتش لطلبة المدارس، مضيفًا: "السندوشات بتكون بخسارة عليا، لكن المكسب المعنوى بيكون أكبر من المكسب المادى، وأنا بعتبر كل التلامذة زى أولادى، ولو حد غير الطلبة من غير الزى هيجى ياخد بالعشرين ساندويتش، لكن الطلبة بتيجى تاخد ساندوتش أو ساندويتش بس".

وتابع هانى قائلا :"الحمد لله ربنا بيراضيني وبحقق ربح جيد رغم بيعى للسنادوتش بـ1جنيه، رغم أن تكلفة الواحد تصل إلى 80 قرش، بس لازم نحس بعض".

وناشد هانى أصحاب مطعام الفول والطعمية بخفض أسعارها قائلا: "الناس اللي بتبيع سندوتش الفول بسعر مبالغ فيه يتبعون منهج خاطئ"، مؤكدا ضرورة مراعاة ظروف البسطاء معلقًا: "مش هناكل في بعض".

وتابع : "التلميذ بياخد مصروف  2الى3 جنيهات، فلما الطالب بياخد سندوتشين الواحد بـ2جنيه هيفضل كام معاها، فأنا عملت السندوتش بجنيه عشان يتفضل معاه مصروف".

شهادة التخرج

"اليوم السابع" سأل طلبة المدارس المترددين على المطعم، وقال يوسف محمد - أحد تلاميذ المدارس الابتدائية، إنه يأتى يوميا لشراء سندوتشاته من عم هانى، لأنه أرخص وأنضف من المحلات الأخرى و"على قد مصروفه".

أم هالة والدة أحد التلاميذ قالت" أنا كل يوم بشترى من عنده ربنا يجزيه خير اللى بيعمل خير إن شاء الله يلقاه في صحته".

صاحب المطعم، كشف عن أنه حاصل على مؤهل عالى، ودبلومة تربوية، مشيرًا إلى انه قدم فى مسابقة 30 الف معلم واجتاز الاختبارات وفى انتظار جواب تكليفه من الوزارة، مناشدًا الجهات المعنية والمسئولين بوزارة التربية والتعليم بسرعة البحث فى مشكلته متابعا بقوله: "دا حلم حياتى".

وجه هانى رسالة لكل الخارجين لا تقف مكتوفين الايدى غير قاردين على التصرف ووتحصل على لقب "عاطل" الشغل مش عيب اتجه لا عمل يكفل بمصاريفك ويحفظ كرامتك.