نجل الساحر يوجه رساله رثاء لوالده: " أنا عايش بضيع وقت لحد ما أجيلك "

نشر المنتج محمد محمود عبد العزيز نجل الفنان الراحل محمود عبد العزيز، صوره له بصحبة والده الذى رحل عن دنيانا خلال شهر نوفمبر من العام الماضى، موجها رساله رثاء مطالبا محبيه بالدعاء له، قائلا فيها، " عارف إن بعدك مش بإيدك بس حاسس إنك بخير، وأنا وجعى اللى مالينى مش بإيدى ومش عارف أعمل إيه، اللى بيصبرنى وبيهون عليا إنى مطمن عليك بين إيدين أرحم الراحمين رب العباد العدل العظيم ومن جوايا متأكد إنك دلوقتى مرتاح، بس أنا تعبان اللهم لا إعتراض طبعا بس عايزك" .

وأكمل نجل الساحر تدوينته الحزينة التى نشرها على موقع التواصل الإجتماعى " إنستجرام"، "أنا عايش بضيع وقت لحد ما أجيلك، ربنا يقدرنى ويصبرنى ويقوينى وحشتنى، اللهم صبر كل مشتاق وأجبر كل مكسور وهون على كل مهموم وقرب كل بعيد وفرح كل حزين وأرحم كل ضعيف أنت الواحد الأحد الحنان المنان القوى الجبار الرحمن الرحيم السلام المؤمن العزيز اللطيف الحليم العظيم الغفور الشكور التواب العفو الغنى النافع الهادى العلى الكبير الحفيظ مالك الملك ذو الجلال والإكرام، (اسألكم الفاتحه والدعاء لأبويا ولأمواتنا جميعا)" .

رسالة نجل الفنان الراحل محمود عبد العزيز