مى كساب تطرح أغنية "حبيبة قلبى" فى عيد الأم

أعلنت الفنانة مى كساب عن طرح أغنية جديدة فى عيد الأم بعنوان "حبيبة قلبى" من كلمات وألحان عزيز الشافعى.

وكتبت مى عبر حسابها على إنستجرام: "طول عمرى بخاف جدا أغنى أغنية وطنية أو أغنية للأم، بحس إن فى عندنا فى التاريخ الموسيقى أغانى مهما عملنا مش هتيجى أبدا فى مستواها وطول عمرى بحب أغنى كلمات مش معتادة وألحان سهلة وبسيطة تتحفظ بسرعة من غير فزلكة".

وأوضحت مى: "يمكن الحظ ما ساعدنيش أنى أخد حقى كمطربة، بس ده مش ذنبى للأسف، إحنا بنفتقد المنتج الموهوب الفنان المنتج اللى يهتم بموهبة حقيقية ويعرف يستغلها صح، معظم أو كل النجاحات اللى موجودة على الساحة اجتهاد فردى بحت فاقد لروح وجهد المجموعة وده مش صح، الفنان محتاج لمؤسسة تدعمه وتشتغل عليه وده اللى بتمناه وعندى أمل كبير جدا ان هيظهر المنتج الفنان وياخدنا على حصانه الأبيض".

وكشفت مى: "لحد ما ده يحصل باوعدكم السنة دى إن شاء الله بأغانى غير معتادة ومفاجآت كتير ليا على مستوى الغناء، هبتديها معاكم بأغنية عيد الأم اللى أول ما سمعت لحنها قولت لعزيز أيوه بقى يا بليغ، أغنيه (حبيبة قلبى) كلمات وألحان عزيز الشافعى، توزيع وسام عبد المنعم، هندسة صوتية مصطفى رءوف".

مى كساب