بالفيديو.. "طلاق تلاتة ما اتجوز ليوم الدين" ..قصيدة ساخرة لتجنب الزواج

بالفيديو.."طلاق تلاتة ما اتجوز ليوم الدين" .... by youm7

عبر الشاعر على عفيفى، عن مشكلات الحياة الزوجية، بأسلوب شعرى ساخر، خلال قصيدته "طلاق تلاتة ما اتجوز ليوم الدين" التى ألقاها فى مداخلة هاتفية ببرنامج "90 دقيقة" الذى يقدمه اللإعلامى معتز الدمرداش، عبر فضائية "المحور".

وتكشف القصيدة الساخرة، التغير المفاجئ فى علاقة الرجل والمرأة عقب شهر العسل، وقبل الدخول من سلسلة من المشكلات التى تصل فى بعض الأحيان إلى المحاكم.

طلاق تلاتة ما اتجوز ليوم الدين

واللى يشوفنى نويت يعملى ميت ألف كمين

 أصل الجواز النهارده كلنا عارفين

شبكت بنت الحلال حسب الطلب سوليتير

ودفعت لأبن الأصول مهر وطمع فى كتير

دخلنا عش الهنا..روح ربنا يوريك

 شهر العسل عدى وقال يافكيك

ثم ابتدينا القرف بعد اليومين الشيك

برميل نكد وانفتح فيك

وكل يوم بكتشف من أهلها حالة

وهى فى الفشخرة مناخيرها متشالة

طنط اعتماد عمتى!!..اتاريها غسالة

أبلة انشراح خالتى!!.. اتاريها نشالة

وكل مادا اكتشف أن النسب مضروب

 وإنى أكلت الأونطة والخازوق ملعوب

وأخدت مقلب ما يصبرش عليه أيوب

وشوفت لون الحياة أسود من الخروب

الله دا حبلت!! واتسببت رسمى

 لازقة بغرا والقانون يديها من جسمى

نفقة..مؤخر..صداق..متعة..نسيت اسمى

وياويل ابويا ما دام القانون خصمى