محمد عبد الله طاهر يكتب : قولى الفرق فى ايه ؟

أقعد مع نفسك و صارحها ، هات كل اللى جواك

صارح الدنيا وصالحها هتلاقى الدنيا معاك

حاسب ضعفك وأديله القوة من جواك

وأوعى ترجع فى قرارك دا الضعف نهايته هلاك

بتغلط غيرك و الغلطة بتحسبها بسرعة عليه

نفس الغلطة بتعملها من غير ما تحس يا بيه

طب صحى ضميرك واحسبها وشوف الفرق فى ايه

تقعد تدور على حجة وتحور فى الكلام

تحاول تظبطها بالكدبة وشيطانك يقول تمام

ما تصالح نفسك وصارحها

خليك تعيش انسان

حط الحاجة فى مطرحها

 دور لك على عنوان