قصيدة للشاعرة آمى عاشور في عيد الأم: قوم صلى ليلة عيدها.. افتح إيدك وادعيلها

أرسلت الشاعرة، آمى عاشور، رسالة إلى خدمة "صحافة المواطن" تضمن كلمات مؤثرة، أرسلتها كرسالة لكل ابن فقد أمه بمناسبة اقتراب احتفال المصريين بعيد الأم الذى يوافق الحادى والعشرين من مارس من كل عام.

وقالت آمى عاشور فى رسالتها: "أنا قصدت أكتب الشعر دا لأى شخص فقد أمه. ابتسم واعرف إنها فى الجنة بدعواتك ليها.. ابتسم واعرف إنك أسعدتها بسعادة الدنيا والآخرة..  لأنها حست بيك وإن شاء الله ربنا استجاب دعاك".

نص الرسالة:

قلبها ف الجنة

قالو دا يومك عيد

والسما نورها بيزيد

تتزين بالنجوم

وملاك حولها بيحوم

يدعى لربه القيوم

بالرحمة لأم حنون

دى الدنيا ما بتدوم

ربك هو إللى بيدوم

*

قوم صلى ليلة عيدها

افتح إيدك وادعيلها

دعوة دى أكيد حتجيلها.. وتحس هى بخيرها

*

اوعى ف اليوم دا تعيط

روح زور القبر قريب

وف إيدك تسقى الورد

صدقنى دى تحس بجد

وقوم اطعم الحمام.. يدعى لأمك ما ينام..

وصدقه من ابن كريم.. حتكون هيا فى نعيم

والجنة تحت أقدمها.. ونور الله أدمها

*

قدمت أحلى هدية.. تسعد بيه أمك ديا

امسح عينك يا حبيبها.. دى دموعك ما حتفيدها

 والرحمه إللى مهداة..  للأم يا ولداه

 من إنك تقعد وحدك..  وتكتر فى البكى

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.