بالفيديو..الحاجة سبيلة لمحافظ الدقهلية: "كلنا لازم نشتغل بجد عشان نساعد الرئيس"

قال الدكتور أحمد الشعراوى، محافظ الدقهلية، أثناء زيارته لقرية ميت العامل، مركز أجا، اليوم، لزيارة الحاجة سبيلة عجيزة، السيدة التى تبرعت بكافة ثروتها لصندوق تحيا مصر، والتقت الرئيس السيسى أمس لتكريمها، "لكى منا كل الحب، كما كان لنا منك كل العطاء فقد أعطيتينا الكثير، وسنتعلم منك الكثير والكثير، فأكبر شىء سنتعلمه منك هو الإخلاص فى العمل".

 وردت الحاجة سبيلة على محافظ الدقهلية، "كل دا كتير أنا تعبتكم جدا، ربنا يحفظكم كمسئولين وإعلاميين لمصر، وعمرى ما هنسى فرحتكم بى، وتشريفكم لى، النهاردة يوم عيد عندى لزيارتكم جميعا"، ليرد المحافظ قائلا، "نسيت أى تعب يا حاجة بمقابلتك، وما قمتى به جعلنى أقوى، ودفعنى لأزيد من طاقتى أكثر من الأول ألف مرة، وهشتغل أكتر مليون مرة ".

وأضافت الحاجة سبيلة "لازم كلنا نشتغل بجد واجتهاد، حتى نساعد الرئيس، وأنا بحب الرئيس قوى وبدعيله كل شوية، ربنا يوفقه، وينصره على من يعاديه، وهفضل أدعيله وأدعيلكم كلكم من كل قلبى، وفرحانة جدا بزيارتكم النهاردة وتقديركم الكبير لى".