بالصور.. أسرة بالشرقية تطالب بزراعة قوقعة لابنهم: "ملناش غيرك يا رب"

"نفسىى أسمعه بيقولى يا ماما، ابنى محتاج عملية زراعة قوقعة وإحنا لا حول لنا ولا قوة" بهذه الكلمات بدأت "غزال الشبراوى" ربة منزل من إحدى القرى التابعة لمركز ديرب نجم بمحافظة الشرقية، وصف مأساتها لـ"اليوم السابع" عن معاناة طفلها "ياسين مجدى النجاتى" 4 سنوات، واحتياجه لعملية "زراعة قوقعة" حتى يستعيد القدرة على السمع والكلام.

"أول ما تم 6 شهور اكتشفت إنه لا بيسمع ولا حتى بينطق، جريت به على الدكاترة، وهناك عرفت إن ابنى محتاج عملية زراعة قوقعة علشان يسمع وينطق من تانى"؛ وتضيف الأم "كل اللى بتمناه من ربنا إن ابنى يسمع ويتكلم نفسى أسمع منه كلمة ماما".

وأضافت والدة ياسين "جوزى عامل بشركة، وعنده الغضروف ومش قادر يشيل غير نفسه، واللى جاى على أد اللى رايح، وصعب على أى أم تشوف مستقبل ضناها بيضيع قصاد عينيها ومتعملش حاجة، مقدرش أعمل حاجة غير الدعاء، ابنى محتاج عملية ضرورى، ولو السنة دى عدت من غير ما يعملها مش هيبقى لها لازمة، الله يلطف بينا بقى ملناش غيرك يا رب".

وأشارت والدة ياسين إلى أن طفلها من الممكن أن يُجرى العملية عن طريق هيئة التأمين الصحى، لكنه يحتاج لمصاريف نحو 16 ألف جنيه، كما أخبرهم بعض الأطباء المعالجين للطفل، بشرط أن تتم العملية قبل بلوغه 5 سنوات، أى أن أمامه شهور معدودة تفصل ما بين الأمل والرجاء فى أن يستعيد القدرة على السمع والكلام.

للتواصل مع الحالة على رقم والدة الطفل 01272898133

تقرير بحالة الطفل ياسين

الطفل ياسين

الطفل ياسين

تقرير طبى للطفل