فى عيد ميلادها.. أقوى 10 رسائل من صبا مبارك للبنات.. تعرفى عليها

"أحلام".. تلك الشخصية التى جسدتها صبا مبارك فى مسلسلها الشهير " حكايات بنات"، مثلت فئة كبيرة من الإناث ممن يتعرضن لنفس المشكلات ومعاناة الحب ومحاولة الحفاظ على الكرامة أيضاً ، فلاقت تلقى الشخصية رواجاً وقبولاً لدى الفتيات اللاتى يشاهدن المسلسل ، بعد أن نجحت فى الوصول لما فى داخلهم وتجسيده فى عمل فنى.

ومن خلال مسلسل حكايات بنات ، وجهت صبا مبارك رسائل قوية للإناث من وحى مشكلاتها وأزمات صديقاتها أيضاً ، لتعبر عما تمر به كل فتاة بشكل صريح، لتلقى إقبالاً كبيراً وانتشارها على مواقع التواصل الإجتماعى حيث قامت الفتيات بنشرها على صفحاتهن على "الفيسبوك" .

صبا مبارك

وفى عيد ميلاد الفنانة صبا مبارك اليوم 10 أبريل ، أصبحت رمزاً للفتاة القومية الصامدة التى تحاول تجاوز مشكلاتها العاطفية وعدم التوقف عندها ، ومن أهم الرسائل التى وجهتها للإناث فى مسلسلها :

1- سهل أنك تهرب من حاجة مخوفاك، لكن هتفضل مخوفاك على طول، الحل مش في الهروب، الحل إنك تلاقي طريقة تتغلب بيها على خوفك.

2- الست محتاجة راجل تفضفضله ويسمعها، حتى لو مكنش عنده رد عليها

3- لو حاوطتك الوحدة من كل ناحية.. إوعى تستسلم أكيد هتلاقى حل

4- المكان جزء من البني أدم ..مجرد جزء ..عشان كده مينفعش تقف حياه البني أدم علي جزء منه

5- الطبع غالبا بيغلب التطبع مش لأنه أقوى منه..لا.. لأننا مش بنحاول نتغير بذمة.

6- الطلاق عامل زي الموت ، غالبا يسبب وجع وألم وعذاب ، لكن أحيانا بيكون نهاية لعذاب أكبر.

7- فى حاجات ينفع التنازل عنها وحاجات لا ، فبلاش تعند في اللي ممكن تتنازل عنه عشان ماتضطرش تتنازل عن حاجات أكبر.

8- النسيان بيتغير لو استخدمناه في مكان متغير ، النسيان ده نعمة لو استخدمناه في المكان الصحيح.

9- مهما كان إمبارح مليان حاجات بتوجع ، ومهما كان بكره مليان حاجات تخوف ، الحياة لازم تستمر.

10- مفيش حاجه اسمها صدفة .. ده مجرد إنذار بيقولك خلي بالك إن لسة فى حقايق تانية هتشوفها ف حياتك.