سالم المراغى يكتب : مجموعك يا أردوغان

مجموعك يا أردوغان

واحد وخمسين فى الميه

طلع شبه الإخوان

شبههم ميه ميه

والسيسى سيد الجدعان

على طول قفل الجمعية

فى الوقت وفى الأوان

يسلم جند الحربية

أمان يا ربى أمان

احفظ مصر العربية

إيييييييييه احفظ مصر العربية

***********

استفتا كوميديا يضحك

ينفع فى الكوميديان

ولا أكتر من مسارحك

فى ساحة تقسيم وميدان

بس أوعى تقوللى أصالحك

ونرجع زى زمان

ولا تانى ترجع تتمحك

وتعيد أمجاد عثمان

حسيبك تلحس جرحك

علم فى قفاك كمان

اييييييييه علم فى قفاك كمان

***********

الناخب التركى شجاع

ما كلشى م الأونطة

ما مشى شورا الجعجاع

قال له مع نفسك يا أسطى

ولا يرضى عن الأوضاع

واستفتاء رجب أبو خلطة

مملكته فى الضياع

اسطنبول مع بيزنطة

خليك مع الأوجاع

واهرى فى نفسك مع شطة

اييييييييييه اهرى فلفل مع شطة

***********

والسحر خلاص يا ناس

بان وانقلب ع الساحر

صاحبك عنده الوسواس

وقريب خلاص حيسافر

ما لوش لازمة وأساس

مهما اخترع دساتر

يحسبها خمس أسداس

ويشخبط فى الدفاتر

والسيسى نورنا ونبراس

الله حاميه وساتر

اييييييييه الله حاميه وساتر

**********

ياما دس أنفه كتير

فى شئون دول الجوار

قال إيه عايز التغيير

وعاملى حويط مكار

عاشق فوضى وتدمير

وكتير يلعب بالنار

بابه محتاج مسامير

رغم أنه عامل نجار

بيخلع فى المسامير

ويطفى فى الأنوار

اييييييييييه ويطفى فى الأنوار