بالفيديو والصور.. مفاجأة.. بائعو السمك "مبسوطين" من حملة "خليها تعفن"

قفزت أسعار الأسماك خلال الأيام القليلة الماضية إلى أعلى مستوياتها، وسجلت أعلى زيادة لها ، حيث وصل سعر كيلو البلطى إلى 35 جنيها، بل وزاد عن هذا السعر فى بعض الأماكن.

ومع تدشين حملة "خليها تعفن" لمقاطعة شراء الأسماك بمحافظات  مصر على خلفية الارتفاع الجنوني في أسعارها، قام عدد من المواطنين بمقاطعة الشراء، وتوسيع قاعدة نشر الحملة، مستغلين مواقع التواصل الاجتماعي وصفحات الفيس بوك، لتنجح الحملة من اول يوم لها فى مقاطعة شراء الأسماك، معلنة استمرارها لعشرة ايام قادمة.

يقول بائع سمك فى سوق إمبابة أن الأسعار زادت 300 في المائة، وأن اسعار سمك البلطي 35 جنية، والبوري 60 جنية والجمبري، مش موجود بس سمعنا أنه بيبتدى من 300 ومفيش بيع ولا شرا ، بسبب غلاء الأسعار والعيب على التجار الكبار  وجشعهم، ونسبة الاضراب 20 في المائة والمفروض يكون الاضراب عام، وعن سبب ارتفاع السمك قال البائع هو التصدير ونسبة التصدير العالية التى وصلت ل 80% والباقي بينزل السوق،.

يقول بائع السمك  "عايزين نشوف حل عشان إحنا مش عارفين نشتغل والسمك موجود فى مصر مش بمكان تاني ومش بالدولار.

وقال رئيس سوق السمك في المنيب ان اضراب  الموطنين عن الاسماك نجح عشان قرار صح، وياريت  نعمل اضراب على اللحوم والدواجن، لأن كل ده بسبب جشع التجار الكبار" .