عمرو أديب: رامز جلال فقد الإحساس وطونى خليفة حرق فكرة برنامجه

علق الإعلامى عمرو أديب، على فضح برنامج مقالب الفنان رامز جلال من قبل الإعلامى طونى خليفة، قائلًا: "كلمونى السنة اللى فاتت بنفس الطريقة علشان ننشط السياحة فى المغرب وفى الآخر طلع برنامج رامز، والآن طونى حرق فكرة البرنامج".

وتساءل عمرو أديب، ببرنامج "كل يوم" المذاع عبر فضائية ON E، قائلًا: "هى برامج المقالب دى مباحة؟ وإنه يتعمل كده فى الناس مباح؟ وهى الضيوف بتبقى عارفة؟ وليه فى ضيوف ليها سعر عن ضيوف تانية؟ وهل ما يحدث يؤثر على حالة الضيوف النفسية؟" وتابع: "رامز فقد الإحساس وقلبه ميت علشان كده بيشتغل البرامج دى".

ووجه أديب حديثه لمشاهدى برامج المقالب بقوله: "بما إن كلكم مضايقين من البرامج دى بتتفرجوا عليها ليه؟"، موضحا أن تلك البرامج تحقق نسب مشاهدة كبيرة للغاية، كما تحقق أرباح من الإعلانات.