السبكى يحذر محمد رمضان: "عرض فيلمين فى توقيت واحد غلط"

وجه المنتج أحمد السبكى، رسالة للفنان محمد رمضان، يحذره فيها من عرض فيلمين له فى وقت واحد، إذ تقرر طرح فيلميه "جواب اعتقال" و"الكنز" فى موسم عيد الفطر المقبل، وقال المنتج: "ده تأثيره سلبى على محمد رمضان لأن الزبون بتاعه هيتقسم على اتنين، شوية للفيلم ده وشوية للتانى، ومحدش يقولى ده نوعية وده نوعية، مفيش الكلام ده، كدة بتشتت الزبون، وده يضر بمحمد رمضان".

وأضاف المنتج فى تصريح لـ "اليوم السابع" :"محمد رمضان فى نجاح تزايد، لكن عندما قدم الكوميدى حجمه قّل، "لأن الناس مش عايزاه فى كدة، هو ممثل كويس قوى، لكن الناس حباه فى الأكشن وليس فى الكوميدى، والأفضل أن يستمر فى الأكشن".

جدير بالذكر، أن "جواب اعتقال" يشارك فى بطولته إياد نصار، سيد رجب، إنتاج أحمد السبكى، بينما يشارك فى "الكنز" روبى، أحمد رزق، هند صبرى، إنتاج وليد صبرى، إخراج شريف عرفة.