الرئيس السيسي للشباب: شغلت الجيش تحت رجليكم كى لا تسقط مصر

قال الرئيس عبد الفتاح السيسي، إنه خلال حملته الانتخابية صارح الشعب بالتحديات التى سيواجهها، موضحاً: "هاتوا كلامى كله اللى قلته فى الحملة وشوفوه.. ودا معناه أن التوصيف اللى وصفناه لواقعنا لم يتغير، وأن المرض واحد، وقلت لكم وقتها أن الموازنة ربع سنة وربع خدمة دين وربع دعم..فماذا يتبقى عشان أعملك حاجة تليق بك يامصرى كمواطن يتعلم ويعالج..ماحصلش.. ماعندناش".

بالفيديو..الرئيس السيسى: شغلت الجيش تحت رجليكم... by youm7

وأضاف الرئيس خلال مشاركته بفعاليات اليوم الثانى، من المؤتمر الدورى الثالث للشباب بالإسماعيلية: "انتو هتبقوا معايا ولا ايه!..وعشان كدا القعدة دى بكررها كل شهر عشان أجدد العهد معكم، وأكد لكم أن حجم التحدى ما زال قائما..وقسماً بالله أن الجيش يقوم بدور تنموى موازى لدور الدولة بالضبط..يا نهار أبيض..دا أن شغلت الجيش عندكم بيقاتل الإرهاب..ويارب تقبلوا الكلمة اللى هقولها..وهى إنى مشغله تحت رجليكم كى لا تقع مصر".

وتابع الرئيس: "لو كانت مصر دولة متقدمة فى أدائها لتم تنفيذ سياسيتها وآلياتها مباشرة، بدليل أنه لم يتم تنفيذ مشروع المليون ونصف فدان.. فوزارة الرى والزراعة تحدد المياه والأراضى وتتراجع مرة أخرى ولا اشكوها لكم..بل أحدثكم عن حالنا..الناس يطالبونى بإقالة الوزراء.. أشيل إيه هو أنا هشيل واحد اشتغل معايا 5 أو 6 أشهر!".