على الهوارى يكتب: هى دى بلدنا

فى بلدنا اللى ذكرها ربنا وقالها فى كتابه الكريم

ادخلوها آمنين ليه يا ناس بتعملوا فيها كدا

التفجيرات فيها بقت فى كل وقت وكل حين

دا إحنا عايشين على أرضها مسلمين ويا مسيحيين

كلنا فيها خوات. واسألوا بكل اللغات

هيقولولكم إحنا مين إحنا كل المصريين

مهما قلتو عننا إحنا برضو متجمعين

مهما تزرعو الفتن مش هتفرقو الوطن

يا كلاب يا غدارين هنوريكم إحنا مين

إحنا اللى هزمنا التتار والمغول وإسرائيل

كنا فى خندق سوى مينا ويا محمدين

فى فرحنا وحزننا إحنا برضو متحدين

وفى النهاية وفى الختام أحب أقول للحاقدين

إيدنا واحدة شعارنا واحد الهلال مع الصليب

وهى دى وصية حبيبنا محمد الرسول الكريم

استوصوا بالقبط خيرا أهل مصر يا مسلمين