بالصور.. بألوان البينك والكيتى.. أول كافيه فى القناطر الخيرية للبنات فقط

لاحظت لميس محمد، الفتاة التى درست التجارة فى جامعة عين شمس والبالغة من العمر 24 عاما، والمقيمة فى القناطر الخيرية، أن البنات ليس لهن مكان فى المدينة يذهبن إليه أو يقضين وقت الفراغ فيه، ففكرت فى أن تنشئ أول كافيه للبنات فقط فى المدينة التى تشتهر بأنها قبلة السياحة النيلية فى مصر.

قالت لميس لـ"اليوم السابع": "أنا من القناطر ومفيش أى بنت فى القناطر كانت بتعرف تخرج خالص ما فيش أماكن خروج للبنات كان لازم نروح القاهرة، ففكرت أعمل حاجة للبنات بس ومش مقتصرة على أكل و شرب حاجة تكون فيها أنشطة كتير، لعب وقراءة وندوات تنمية الفكر عند البنات يعنى حاجه شاملة للبنات ييجوا يعملوا كل حاجه فيه".

وأضافت: "كان بينك كله وكيتى عشان البنات عامة بتحب الألوان دى فيها بهجة شوية وألوان بناتى، وعملته كمان إن إللى شغالين بنات عشان البنات تكون واخدة راحتها وحريتها كاملة ولما فكرت فى الفكره عرضتها على حد من أصحابى وبقى معايا شركاء والحمد لله شغالين كويس جدا والبنات مبسوطة جدا بالفكرة".

وعن مميزات المكان تابعت بالقول: "المكان ما فيهوش تدخين ومميز ومختلف فى الديكور عن أى كافيه حتى إللى شغالين بنات الفكرة كمان مختلفة فى القناطر تماما عشان ما فيش مكان نهائى لخروج البنات فى القناطر، ودا أول مكان البنات يعرفوا يخرجوا فيه براحتهم".

وبالنسبة لرواد الكافيه أوضحت قولها: "بيجى عندنا كل الأعمار بنات إعدادى وثانوى وجامعات وستات كبار ومتجوزين بيتلموا ويتجمعوا، عندنا كمان أطفال فبيجوا يجيبوا الأطفال يقعدوا عندنا ويجوا آخر اليوم ياخدوهم لأن المكان آمن جدا وكله بنات فبيسيبوا ولادهم وهما مطمنين عليهم، يعنى عندنا تقريبا كل الأعمار دا غير إن فيه حضانات أطفال بيعملوا رحلات عندنا ليهم".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.

اسم الكافيه على النسكافيه

باب الكافيه من الخارج

رسم وقراءة داخل الكافيه

صورة للكافيه من الداخل

فريق عمل الكافيه