مدير دهشور الأثرية تفتح النار: نقلونى لاكتشافى أساليب تعمل على تدمير الآثار

قالت الأثرية وهيبة صالح، مدير منطقة دهشور السابقة، إنها تقدمت ببلاغ للنيابة الإداريه، اعتراضا على نقلها تعسفيا.

وأوضحت وهيبة صالح، إن سبب قرار نقلها قائلة "تم التخطيط ليا على مدى أسبوعين من ورايا، بعد ما تم إقصائى عن أداء مهامى كمديره لدهشور، دى السبوبة اللى اتفق عليها مدير عام دهشور المعين، واعترضت عليه رسمى لأنه بن العائلة التى فتحت باب التعدى على دهشور فى 2012،  وعملت لهم محضر تدمير، الأخ عادل عكاشة اتفق مع صديقه "مجدى الرشيدى" صاحب شركة سياحة وعادل أشرف له على بناء استراحة له فى دهشور، السبوبة بقى أنه يرعى الحفاير بملاليم مقابل إعلان له فى الموقع ولعمال تلبس تيشيرتات عليها لوجو التلفزيون اللى جايبه مجدى الرشيدى، أترتب كل حاجة فى الوزارة من ورأيا حتى لا أعيق السبوبة".

وأضافت وهيبة صالح، عبر صفحتها، أنه من المفروض أن يتقدم 5 عروض للجنة الرعاية التجارية، واللجنة المشكله بقرار وزير الاثار تختار أعلى عرض أو عرضين منهم، اللى حصل أن مجدى الرشيدى أتقدم بعرضين وافقت عليهم اللجنة، وده معناه أن الاتفاق تم أولا وحاولوا يضبطوا الإجراءات للسبوبة، دى أول جريمة تفضحهم، ثانيا وده الأخطر والأهم أن الأخ عادل مدير عام دهشور عارف أننا وصلنا لحجرة الدفن وده لب الاتفاقية والسبوبة اللى بره الوزارة،.هيخلى صديقه يصور الكشف والفتح مباشر ويبقى حق العرض وبيعها لصالح الناشيونال جيوغرافيك لمجدى الرشيدى، فين الغلط أن الجريمة فتح مقبرة لأول مرة حتى فريق العمل ما يعرفش ايه اللى جواها لايف يعنى أكثر من 20 شخص من خارج الموقع، هيبقوا فوق الكشف اللى لسه ما تمش حصر محتوياتها وتسجيلها، وتسجيلها فى موقعها وتصويرها للنشر العلمى.

وتؤكد وهيبة صالح، أن هذا التصرف طبعا ممكن يفقد من المقبرة حاجات، لأن المشهد شوية مرتزقه فوق الكشف بيتعاملوا بشكل تجارى، والأخ مجدى معاه تصريح للمناطق العامة والمتاحف وقاطع تذكرة اكتشافات حديثه، يعنى التذكرة مالهاش علاقة بالتصريح وده إهدار مال عام، طيب أنا اكتشفت ده قبل التصوير بيوم، وخاطبت وزير الآثار وقرأ مذكرتى وحولها للتحقيق،  وده ضايق رجالته فقرروا ينقلونى، .لا ومين اللى كاتب مذكرة النقل المدير العام صاحب السبوبة ووافق عليها رئيس الإدارة المركزية، وكاتب تأشيره تنقل لصالح العمل، علشان كده قدمت بلاغ للنيابة الإدارية، ومش هستسلم لقرار نقل ناس بتكره الآثار وبتشتغل على تدميرها.

تعليق وهيبة صالح على الفيس بوك