عمرو أديب عن الضربة الجوية بليبيا: "العالم كله وقف معاك ما عدا أهل بلدك"

استنكر الإعلامى عمرو أديب، بشدة الانتقادات التى خرجت حول الضربة الجوية المصرية التى وجهتها القوات المسلحة، لمعسكرات تدريب التنظيمات الإرهابية فى مدينة درنة الليبية، ردا على حادث المنيا الإرهابى الذى وقع مساء أمس الجمعة.

وقال أديب، ببرنامج "كل يوم" المذاع عبر فضائية ON LIVE، إنه على الجميع أن يقف بجانب الدولة المصرية ولاسيما فى المواقف الصعبة التى تواجهها، مردفا: "امبارح كان فى رغبة قوية جدًا فى تدمير كل شئ، وممكنش حد باصص للكارثة الحقيقية، العالم كله وقف معاك ما عدا أهل بلدك، اللى كانوا بيقولوا انت ايه اللى عرفك إن الناس الليبيين دول هو اللى ورا العملية دى"، وتابع: "طب أنت إيه اللى عرفك لما ترامب لما ضرب 59 صاروخا فى سوريا، إن بشار هو اللى ضرب الكيماوى".

وأضاف عمرو أديب، أن حظ الأقباط فى مصر فى الوقت الحالى الأسوأ فى حياتهم ككل، لكن تقوم الدولة بكل الإجراءات لحمايتهم، مشددا على أن الدم يجب أن يعلوا فوق كل شىء ويجب أن يتوقف، مردفا: "الناس اللى عملت العملية دى معروفين بالاسم ودول المجموعة بتاعة عمرو سعد اللى فجرت البطرسية والكنيستين اللى قبل كده".