مريم نعوم على "فيس بوك": نجاح "واحة الغروب" نتيجة ثمار شغل جماعى حقيقى

رد فعل إيجابى ملحوظ للجمهور، تجاه مسلسل "واحة الغروب" والذى يقوم ببطولته خالد النبوى ومنة لشلبى وإخراج كاملة أبو ذكرى، وكتبته مريم نعوم وهالة الزغندى.

وكتبت السيناريست مريم نعوم على صفحتها على "فيس بوك": "من امبارح فى رد فعل إيجابى جدا على حوار مشاهد بعينها فى واحة الغروب .. وبالتالى انا عندى حاجة لازم اقولها .. بعيدا عن كل الخلافات .. وعن أن كواليس المسلسل كانت مؤلمة جدا .. وبعيدا عن انى مافضلتش فى المركب .. وانضميت لصفوف المتفرجين .. لكن احقاقا للحق .. الحوارات دى مش بس نتيجة شغلى لوحدى او مشاركة أحمد بدوى معايا .. دى ثمار شغل جماعى حقيقى .. بداية من المادة البحثية اللى وفرها لينا استاذ عصام فوزى .. وصولا لأن الحلقات اللى اشتغلت عليها قعدنا على الدرافتات بتاعتها قبل التصوير قعدات ترابيزة كتير انا وكاملة أبو ذكرى وخالد النبوى ومنه شلبى.. كل واحد أضاف مشاعره وأفكاره تجاه المشاهد .. حاسس ايه ونفسه المشهد يطلع بيقول ايه ...وفى الاخر كل ده ضربته فى الخلاط وطلعت النتيجة دى .. اللى اتعرض ده نتيجة الشغل الجماعى ده .. اتمنى كل مرة يكون فى براح الوقت أن ده يتكرر لأنه خلى المشاهد وحواراتها تخص اللى كتب واللى مثل واللى أخرج .. مش مجرد كلام بيتقال .. يدوم الخلاف بيننا أو يزول .. يظل هذا ما كان .