بالصور.. أم البنات تبكى: بنتى يتيمة ومحتاجة 13 ألف جنيه لاستكمال جهازها

سيدة ضعيفة شعرها شاب كساه اللون الأبيض، لا تقوى على الحركة حيث قضت أكثر من 17 سنة من عمرها فى خدمة البيوت، لتربية أشقائها وابنائها ولكن جاء رد الجميل من اشقائها بالإساءة لها، ولم يسأل فيها أحد.

قالت عايدة السيد دسوقي 63 سنة، تقيم 7 ع. على مهران من السلام المطرية بمحافظة القاهرة :"عملت 17 سنة فى البيوت وربيت اخواتى الأربعة وزوجتهم واخرتها اخذوا منى الميراث وحرمونى من حقى وانا ست كبيرة ومريضة ومصابه بـ"الربو"، وانا معايا 4 بنات منهم واحدة مطلقة ولديها طفلان وتعيش معى، وأخرى ستتزوج بعد 10 أيام ومحتاجة استكمل باقى منقولاتها الزوجية لإتمام الزواج.. حيث ينقصها بوتاجاز وغسالة ثمنهم 8 آلاف جنيه وعليا ديون 5 آلاف مفروشات كنت قد اشتريتها من أحد معارض تجهيز العرائس بما يساوى 13 ألف جنيه".

وأضافت:" أنا مصابة بمياه على رجلى وأعيش فى شقة بالإيجار والرطوبة أكلت عضم جسمى وتساقطت المحارة منها وظهرت أسلاك الكهرباء، وبنتى يتيمه ونفسى أهل الخير يساعدونى علشان أقدر أكمل جهازها لأن ليس لها أحد غيرى بعد ربنا وانا نفسى أجهزها قبل ما أموت، وأعول أولاد ابنتى المطلقة وصحتى مش مساعدانى لانى خدمت اكثر من 17 سنة ونفسى أنام وأصحى ألاقى بنتى اتسترت شيماء  لان ملهاش حد غيرى".

وقالت:" فى شخص خدمت عنده ساعدنى فى الحصول على شقه بالدويقة لانى أرملة ومعى 4 بنات، ولكن بعد أن حصلت على الشقة أحد الأشخاص استولى عليها وأخذها منى وأخذ أصل العقد وأنا حاليا أعيش فى شقة دور أول بالإيجار.ياريت ولاد الحلال وأهل الخير يساعدونى أستر بنتى اليتيمة لان فرحها بعد 10 أيام ولازم أكمل جهازها، يعنى 13 ألف جنيه هيستروا بنتى، وانا ماليش حد يقف معايا، ماليش غير ربنا".

للتواصل مع الحالة ت/ 01276802506

ادوات منزليه بسيطه

السيدة عايده تشير إلى العلاج

المطبخ

اوانى المطبخ

تصدعات بالحائط

تصريح بشغل مسكن

حوائط متهالكه

عايده السيد

عايده تحمل عقد شقتها

علاج

مرتبة سرير ممزق