دار سما تصدر كتاب "حياة" لـ بسمة السباعى

صدر حديثا عن دار سما للنشر والتوزيع، كتاب تحت عنوان "حياة" للكاتبة بسمة السباعى.

وجاء فى أجواء الكتاب : كنت بحلم  إن الغفران يبقى له فعلاً وجود.. وإن النسيان يبقى سهل ومتاح.. كنت باحلم إن الألم زى ما بيزيد.. يقل..  كنت باحلم إن كلام الناس ليا عن إنها "فترة وهتعدي" و "بكرة تنسي" يتحقق.. كنت دايمًا باقول لنفسى إنى أكيد لما أوصل لنهاية حياتى هلاقى كل حاجة اتحرمت منها وكل فرحة ماكانش ليها أى وجود فى قلبي.. كنت مستنية بكرة اللى قالوا إنه هينسينى كل وجعي.. كنت مؤمنة إنى أول ما أوصل للنهاية إن الغايب هيرجع.. وإن البيت اللى كنت باحلم أعيش فيه والعيلة اللى كنت باتمنى أكون وسطها أكيد هلاقيهم.. كنت مؤمنة إن النهاية هتكون نهاية لأى وجع عِشته، ولكل دموع بكيتها.. بس اللى حصل كان غير ما أنا اتمنيت.. لأنى لَقيت إن طول الانتظار خلانى أكره كل حاجة استنيتها.. لَقيت إن المشاعر من كتر ما خبيتها بطلت أحسها.. حقيقي.. الغفران والنسيان هما النهاية لوجع القلب وكسرة النفس..  وأنا لا قدرت أغفرـ ولا عرفت أنسى..