عمرو أديب عن "الأتوبيس الذكى": أرجو ألا يكون مصيره مثل الماضى

قال الإعلامى عمرو أديب، تعليقًا على تفعيل خدمة الأتوبيس الفائق الجودة فى مصر، :"الواى فاى نزل قبل كده، وأرجو ألا يكون مصيره مثل الماضى، وعملت التقرير ده عشرين مرة، التكييف باظ، ومفيش واى فاى"، مردفاً: "مش عارفين نظبط الواى فاى فى البيوت هنظبطه فى الأتوبيسات، ماتخلونيش أتكلم بقى".

وأضاف أديب، خلال تقديمه برنامج "كل يوم"، على فضائية "ON E"، :"إن شاء الله تنجح، بس أنا بتكلم عشان نفكركم بالتجارب السابقة، ابقى قابلنى بعد 6 شهور، ونحط الرهان، إن شاء الله العربيات دى تبقى زى الفل عشان يتبسطوا فى الإعداد وأديهم 2000 جنيه".

وتابع أديب:" بعد 6 شهور هنزل أعمل التقرير بنفسى، وأقف عند دوران شبرا وأركب الأتوبيس".

وأعد البرنامج تقريراً عن الأتوبيس فائق الجودة، وبدأ التشغيل التجريبى لأتوبيسات مكيفة فائقة الجودة لتقليل الزحام والتسهيل على المواطنين، تحت إشراف النقل العام ومساهمة شركة خاصة.

وكان "اليوم السابع"، أجرى جولة بالصور والفيديو، داخل الأتوبيس للإطلاع على مميزاته ورأى الجمهور فى الخدمة المقدمة من شركة مواصلات مصر بالتعاون مع هيئة النقل العام ومحافظة القاهرة.