بالفيديو ..أهالى منطقة "الحطابة" بالقلعة للحكومة: "بصوا لنا شوية إحنا منسيين"

رغم المآسى التى يعيشونها إلا أنهم صامتين صابرين، أناس يعيشون تحت خط الفقر ولا يعلم عنهم أحد، أهالى منظقة "الحطابة" بحى القلعة لا يتذكرهم مسئول سوى عند استخراج تصاريح لتصوير أفلام، مسلسلات أو أغانى نظراً لتلاصق المنطقة بقلعة "صلاح الدين الأيوبى".

تقع "الحطابة" على مساحة ما يقرب من 35 فدان، على سفح القلعة مباشرة من الناحية الشمالية، اذا نويت الوصول إلى تلك المنطقة فإنه يصعب عليك تحقيق ذلك فإنها على إحدى هضاب القلعة و لا يوجد أى وسيلة مواصلات إليها، فأهالى المنطقة يقومون باستخدام سيارتهم الخاصة فى نقل المواطنين وجلب احتياجاتهم.

يعانى أهالى "الحطابة" من عدة مشكلات أهمها أتلال القمامة التى تشتعل بين الحين والأخر، "فيديو 7" قناة اليوم السابع المصورة توجهت اليهم لترصد تلك المشكلات، فالتقينا مع"سهير محمود"فقالت"دى منطقة أثرية، والسياح اللى بتنزل من القلعة بتعدى من هنا ينفع يشوفوا المنظر ده؟"، وأكدت"سناء سالم" على ذلك  قائلة"إحنا هنا بقالنا سنين وسط الزبالة ومحدش بيسأل علينا، عربيات الحى مابتطلعش هنا، والعقارب والثعابين مش سيبانا".

 كما قالت ربة منزل أخرى "انا عايشة فى نص بين بس لأن النص التانى واقع وبسببه بيطلع علينا العقارب والثعابين والعناكب، أنا بطالب من الحكومة بشقة نظيفة أعيش فيها مع أولادى الأربعة أمال فين تطوير العشوائيات سيبنا ليه؟"

والتقطت الحديث ربة منزل أخرى قالت"ياريت المسؤلين يبصولنا ويشوفوا الدنيا هنا فيها ايه ؟احنا هنا منسيين محدش بيجى هنا خالص".

هذا بالإضافة إلى نقص "المخابز" داخل منطقة "الحطابة"والتى أكد عليها"طارق محمد "فقال" كان يوجد هنا 3 أفران للعيش ومن غير ما نعرف ليه أفلوها، والبياعين بينتهزوا الفرصة وبيبعوا الرغيف الواحد بـص جنيه فى مننا اللى بيقدر يشترية بالسعر ده وفى مابيقدرش وأقرب فرن على بعد 3 كيلو، ده غير الزبالة اللى بتعمل امراض كتير ومش عارفين نتعالج لأن أقرب مستشفى على بعد 5 كيلو ".

يتمنى أهالى "الحطابة" من المسئولين إما تجديد منطقتهم وتطويرها أو نقلهم إلى مناطق أخرى أكثر نظافة، فهل من مجيب؟