بالفيديو.. "أيوه أنا بشتم قطر" قصيدة جديدة لمؤلف "بكره إسرائيل"

نشر الشاعر إسلام خليل أحد أشهر شعراء الأغانى الشعبية مقطع فيديو لقصيدة جديدة تحت عنوان "أيوه أنا بشتم قطر"، يهاجم فيها دويلة قطر وسياستها تجاه الدول العربية، والالتواء فى السياسة الأمريكية تجاه معاقبة قطر، كما قال فى قصيدته إن أمريكا والموساد الإسرائيلى وراء دعم الدوحة لإسقاط الدول العربية.

وأشاد إسلام خليل، فى قصيدته بالمواطن المصرى ونجاحه فى الوقوف أمام مخطط التقسيم فى المنطقة من خلال ثورة 30 يونيو، وقدرة الشعب المصرى على التصدى للإرهاب المدعوم من قطر وتركيا، كما وجه رسالة إلى المصريين فى آخر قصيدته يطالبهم فيها بالحفاظ على مصر من محاولات الوقيعة وحفظ الوطن.

وإلى نص القصيدة:
 

ايوه انا بشتم قطر باسم الشعوب الضائعة.. وترامب وامريكا والسياسة المائعة

بتدعم الارهاب وتحاربه فى نفس الوقت.. وأنا عمرى ما أمنتها ولا عمرى يوم صدقت

امريكا واسرائيل هما الشر ومعناه.. كل الارهاب فى العالم الاثنين هما اللى وراه

هما الارهاب والخطر منهم كله بيتعلم.. تركيا وإيران وقطر دول صبيان المعلم

دى خطة الموساد افهموا بقى العبارة.. امريكا دى الصياد وقطر هى الصنارة

دى كانت لعبة كبيرة ومصر وقفت لها.. وقطر والجزيرة دورهم خلاص انتهى

المصرى هز الدنيا وقال للخونة لا.. واللى حصل فى يونيه امريكا مش نسياه

خطط التقسيم شغاله من يوم حرب العراق.. والخونة من حولينا بتساعد الاعداء

فلوس قطر شغاله وأردوغان وتميم.. واحد نفسه يبقى خليفة والثانى يبقى زعيم

العبوا بعيد عننا يا عصابة ملهاش حصر.. لو راح نموت كلنا مش هنسيب شبر فى مصر

قنبلة مدفع مطوة يا خونة ده شغل عيال.. مع جيشنا خطوة بخطوة والمجد للأبطال

لو انتم صحيح رجالة متلبسوش نسوان.. وتروح تعملوا عملتكم وتجروا زى الفئران

ارهابكم خلاص بقى باين يا عصابة عبيطة يا طفش.. والخيانة يفضل خاين ومعفن ومينضفش

اسمعوا الخبر العاجل يا دولة الارهاب.. فضحتكم بقت بجلاجل ولازم يكون فى حساب

عيل صغير وأمه خربوها دول وبيوت.. وجه الوقت عشان يتلموا ويتأدبوا مظبوط

دول مش عايزين يتوبوا ولا حته يغتشوا.. عاملين زى الغريق قاعدين يهبشوا

خدوا بالكم يا مصريين من مصر أم الجدعان.. من الخونة اللى بره وجوه والزن على الودان

مصر بشعبها وجيشها باقية بشرف وأصول.. ياما انتصرت وياما دقت على الراس طبول

يذكر أن إسلام خليل أشهر شاعر أغانى شعبية وأبزرهم إنتاجا فى مصر، وقد ارتبط بمعظم المطربين الشعبيين وعلى رأسهم المطرب شعبان عبد الرحيم وهو صاحب أغنية "أنا بكره إسرائيل"، التى انتشرت بشكل كبير بعد تنديدها بسياسة الاحتلال الاسرائيلى ضد الفلسطينيين بشكل بسيط وشعبى.