صك الأضحية من مصر الخير.. لحم عجل بلدى طازة

صك الأضحية

الإثنين، 14 أغسطس 2017 06:28 م

فرحة ولمة العيد ما تتوصفش.. وبالذات لما تكون مع أهلك وبتعيّد معاهم بعد ما اتطمنت إن خيرك السنة دى وصل لأسرة تانية وفرحتهم بيه ما تتوصفش.. خلى فرحتك السنة دى مع مصر الخير.. فرحة ليك ولأسرتك ولأسرة تانية مستحقة.

لما بتشترى صك الأضحية نصيبك من صافى الذبح 24 كيلو لحم عجل بلدى وده سُبع وزن العجل الصافى.. تقدر تتبرع بالـ24 كيلو يوصل كيلو لـ24 عيلة مستحقة أو ممكن مصر الخير توصل 16 كيلو للمستحقين، و8 كيلو بيبقوا من نصيبك وبيجولك لحد باب البيت من مندوب مصر الخير.. وممكن تطلبهم من دلوقتى لما تتصل على 16140.

مؤسسة مصر الخير بتوفر 24 كيلو لحمة طازة وبجودة ممتازة من مزارع مؤسسة مصر الخير، وكمان ممكن تزوّد أكتر فى الخير كمان لما تتبرع بكيلو صدقة من اللحوم، وده سعره بيكون 120 جنيها، وبيبقى من أجود أنواع اللحوم الممتازة من العجول فى مزارع مشروع أرض الخير اللى بتتبناه مصر الخير من سنة 2009، وكل سنة بيزيد حجمه وإنجازاته عن اللى قبلها.

إيه هو مشروع أرض الخير؟

مشروع أرض الخير هو مشروع زراعى كبير بيقوم على تربية الجاموس فى طور سيناء وأسيوط وتوشكى وغيرها، وتغذيتهم عن طريق مساحات زراعية كبيرة مخصصة ليهم.. وبالتالى بيوفر لحوم وألبان بجودة متميزة وطازة من مزارع أرض الخير مباشرة.

أرض الخير بتقوم فى الأساس على خبرات مستشارين فى مجال التنمية الحيوانية بيتأكدوا 100% من سلامة الجاموس وبالتالى من جودة لحومها وألبانها.

مشروع أرض الخير كمان يعتبر مشروع متكامل وبيخدم أكتر من جهة.. بعد مرحلة إنتاج اللحوم والألبان، بيقوم كمان على تغليف وتوزيع المنتجات بداخل المشروع.. وبيفتح باب كبير للاستثمارات من شباب الخريجين عشان يقدروا يوفروا مصدر دخل ليهم عن طريقه.. وده بإجمالى استثمارات 22 مليون فى السنة الواحدة.

مشروع أرض الخير يعتبر مكوّن أساسى لكتير من حملات ومشروعات مؤسسة مصر الخير.. وخاصةً فى موسم عيد الأضحى، بيقوم بدوره الأساسى فى توفير لحم بلدى متميز بجودة عالية للمستحقين وكمان للمتبرعين بصك الأضحية.

تقدر تطلب دلوقتى صك الأضحية من مؤسسة مصر الخير بـ 2900 جنيه من خلال اللينك ده http://bit.ly/2vOFVVL ، أو كيلو صدقة بـ120 جنيها من خلال اللينك ده http://bit.ly/2uphj1j، عشان نوصّل ليك وللمستحقين لحوم بلدى ممتازة جاية من أفضل مزارعنا فى مشروع أرض الخير.