سمير حافظ النواجى يكتب: اسمع كلامى

مش قضية إنك فى يوم تصبح ضحـيـة

الضحية راحت وانتهت وأيامـها كانـت

الـقــضـيـة لـمـا تـحــس إنــك هــفـــيـة

إنـك تـكون وسـط الـبـشر زى الرِمِــيــة

إنــك تــلاقــى نــفــســك جــوه غــابـــة

وأن الــبــشــر قــلـــبــت ديــــــــابــــة

والديابة نيابها كبرت وعايشة ع الِنهَابـة

الـقـضـيـة يـا صـاحبى دايما فـى الأمـان

وبـيـن الـديـابـة والأســود تحـجز مكان

مـش قـضية لما يقـولـوا دا كان وكان

الـقـضـيـة أن فى عنـيـهـم تـخـسر مكان

.....................................

أمــا لـــو هــتـكـون ضـــعـيـف

وناوى تـمــشـى ع الـرصـيـف

تـرضى بـهـدمـة وكـام رغـيف

وإن جـوعت يوم تبات خفيف

فـخـدها منى واسـمع كـلامـى

قــبـل مــا يــطــولك مــلامـــى

صـنـف الـبـشـر ما بـيرحَـمـوش

والـمــكر داء مـا بــِيـنـسـهُـوش

ويا تكون معاهم وطبعك لئيـم

يا تـعيش بـذُلك وسط الجـحيم