بالصور.. قارئة ترصد تصدع منزلها بسبب عقار مخالف بإمبابة

أرسلت القارئة إيمان حسنى، شكوى من تصدع منزلها الكائن بأرض الحديد فى منطقة إمبابة التابعة لمحافظة الجيزة، بسبب عقار يقام بالقرب من مقر سكنها، وقالت إن العقار الذى يقام مرخص له بـ 6 أدوار فقط وهو الآن وصل لـ 12 طابقا وهو ما تسبب فى تصدع عقارها وعدد من المنازل الأخرى حولها.

وأضافت القارئة لـ"اليوم السابع": "فوجئنا إنه طلع 6 أدوار، والبيت بتاعنا بقى بيطقطق جامد لما بكون جوه، وأغلبية السكان فى البيت بتاعنا مشيوا منه بسبب خوفهم على أرواحهم، ورغم إن رحت كلمتهم بس مفيش فايدة".

واستكملت شكواها بالقول: "الشروخ ملت البيت عندنا ولما كلمناهم جم كسروا 3 حمامات و3 مطابخ فى البيت عندنا بحجة إنهم هيصلحوهم بس من ساعة ما كسروهم معملوش أى حاجة فيهم غير حمام واحد بعد 40 يوم من كلامنا معاهم، ورغم إننا رحنا الحيى بتاع شمال الجيزة، بس مفيش أى اهتمام خالص".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.

اثار التكسير

التكسير بالحوائط

الشروخ بالمنزل

الشروخ تهدد المواطنين

المنزل المتصدقع يهدد المواطنين

المواطنين يعانون من الشروخ بالمنزل

تصدع المنزل من العقار المرتفع

شروخ الحوائط

شروخ كبيرة بالحوائط