سمير حافظ النواجى يكتب: ليه يادنيا معاكسة معايا؟

وأيه يعنى معانده معايا

ولو حتى عـنادك طال

وأيه يعنى أقول دا كفاية

تقولى إنتى رضايا محال

وأيه يعنى أعيش أنا فيكى

وكل اللى فيكى شـمال

ما طول عمرك معاكسه معايا

فى الوش وفى القفا سلايا

وبعد الصبر لعب عيال

.............................

أيه يعنى أدوق أنا مرك

يا كارهانى حتى فى سرك

وليه خيرك بس للى يذلك

ليه بـتيجى ع الجدعان؟!!

وأيه يعنى بتظلمى فينا ؟!!!

والمر كاسات تسقينا

ولو نـشكى فى يوم تكوينا

ع الـضَهر اللى بات عريان

وأيه يـعـنى أبقى حزين

أنام وأصحى وكلى أنين

ويكون أملى أعشلى يومين

ألـقـاكى ناصبـه ليا كـمين

.................................

يا دنيا ومـتـعـكسيش

بـالـراحة  ولا تـعـانـديش

عشان فيكى لـزمـاً أعـيش

بكـفـايـة خــلاص تـلطـيـش

وبكفاية إنى شارب غُلبك

راضى وماشى فى ضِلك

وإن كنت فى يوم راح أعاتبك

بلسانى الطويل راح أقولك

ياخيبة اللى يطلب ودك

بتخونى اللى يوفى بعهدك

وتعـاهـدى اللى عمره ما حَبك

.....................................