حداد يطلب جليسة أطفال ويغتصبها بعد تخديرها وتصويرها عارية

لجأ حداد لحيلة جديدة لإشباع رغباته الجنسية، مستخدما مواقع التواصل الاجتماعى لاستدارج ضحيته وخطفها بطريق التحايل، عن طريق الإعلان عن حاجته لجليسة أطفال مقابل مبلغ مادى مجزٍ، ومن خلال تلك الطريقة نجح فى استدراج المجنى عليها وخداعها وإبعادها عن ذويها.

البداية كما ترويها المجنى عليها «جيهان. ا. أ»: بتاريخ 28 أغسطس، واحدة صاحبتى قالت لى إن فيه صفحة بتاعت واحد منزل إعلان على موقع التواصل الاجتماعى، عن حاجته لجليسة أطفال بمقابل مادى مجزى، وعنده 3 بنات، وادتنى اسمه ورقم تليفونه واتواصلت معاه ورحت قابلته فى شقته، وطلب منى الحضور يوميا من 9 صباحا حتى 7 مساء مقابل 2000 جنيه، ويوم واحد راحة أسبوعية، وادانى 600 جنيه مقدم وروحت، وفى اليوم الثانى روحت الصبح وقابلته وهو لبس ونزل، وبنته عملتلى كوباية نسكافيه سخنة، وهو رجع تانى البيت وأنا لسه بشرب النسكافية قالى اشربيها كلها، وأنا حسيت بدوخة وتعب وعدم اتزان وفقدت الوعى، ولما بدأت أفوق لقيت نفسى عارية تماما وهو نايم جنبى عارى تماما ويقوم بملامسة جسمى، ولقيته بيقول لبنته وريها الصور، وطلب منها تصويرى فيديو وهو نايم معايا، وأنا كنت تعبانة جدا من المخدر ومحستش بأى حاجة، وأيضا هددنى بمطواة لو رفعت صوتى أو صرخت وقالى هيضربنى بالمطواة فى وشى، ونام معايا تانى تحت تهديد السلاح وعاشرنى معاشرة الأزواج وبنته صورتنا فيديو.

وأضافت الضحية: لما خلص قالى قومى ومقدرتش أقوم من تأثير المخدر وكنت كل ما أقوم أسقط على الأرض، وبعدين هددنى إنه هيفضحنى لو اتكلمت فى أى حاجة وهينزل الفيديوهات والصور على الفيس بوك، واتصل بواحد شغال فى صيدلية ولما جه إدانى حقنة وبعدها بفترة بسيطة فوقت، وهددنى بالمطواة وأجبرنى على التوقيع بالبصمة على عقد زواج عرفى، وبعدين لما خرجت معرفتش أعمل إيه وكنت فى حالة انهيار ورحت عملت محضر وأبلغت عنه.

كما كشفت اعترافات بنات المتهم فى تحقيقات النيابة، عن قيام والدهم بوضع مادة مخدرة للمجنى عليها فى المشروب الساخن، وقيامه بمعاشرتها تحت تهديد السلاح، بالإضافة لإجبار طفلته على تصوير مقطع فيديو وهو يعاشر المجنى عليها.

وجهت النيابة للمتهم اتهامات بالخطف بالتحايل للمجنى عليها «جيهان. أ. أ» واستدراج المجنى عليها وخداعها وإبعادها عن ذويها، واقترنت تلك الجناية بجناية أخرى فى ذات الزمان والمكان هى مواقعة المجنى عليها بواسطة مخدر وضعه خلسة فى مشروب ساخن أعده سلفا، وما إن تناولته حتى فقدت وعيها، وقام بتجريدها من ملابسها وعاشرها معاشرة الأزواج، وأكره المجنى عليها على التوقيع بالبصمة على عقد زواج عرفى للاحتجاج به فى مواجهتها.