النائب محمد الحسينى: ملايين الجنيهات مهدرة فى المواقف العشوائية

انتقد النائب محمد الحسينى، عضو لجنة الإدارة المحلية بمجلس النواب، طلب الحكومة للمرة الثالثة تأجيل مناقشة مشروع القانون المقدم منه بشأن تنظيم مرفق مواقف سيارات الأجرة والسرفيس وساحات انتظار المركبات، ومنحها مهلة أخرى 30 يوما للإدلاء برأيها فى القانون.

وقال "الحسينى"، خلال اجتماع لجنة الإدارة المحلية، اليوم الأربعاء: "إحنا أمام مشروع قانون مهم جدا، والحكومة بتشتغل على رد الفعل للأسف، وفكرة نستنى كمان شهر فده بيأخرنا، هل الحكومة ما عندهاش رؤية سياسية فى كل المحافظات لإدارة هذا المرفق المهم؟ طيب وبعد الـ30 يوم؟!".

وتابع النائب محمد الحسينى حديثه خلال الاجتماع بالقول: "مصر محتاجة إرادة، عايزين نلم الملايين المهدرة فى المواقف العشوائية، عندى موقف واحد بيلم 15 ألف جنيه فى اليوم، بالإضافة للبلطجة اللى بنشوفها فى الشارع كل يوم من بعض السُيّاس، راجل محترم ييجى يركن عربيته يبلطجوا عليه، والناص شايفة البلطجة فى الشارع، وعندنا كمية موارد مهدرة مش عارفين ننظمها، وأنا بقول للحكومة حطّى إيدك على الموارد دى عشان اللى هنقفشه مش هنسيبه".