أحمد فهمى لـ"ON E" عن مداعبته عمرو دياب: "مش قصدى.. وهرّجت على نفسى كمان"

قال الفنان أحمد فهمى، رداً على التعليقات حول تقديمه مهرجان الجونة السينمائى: "إحنا لسة معندناش ثقافة الفرق بين إنك تطلع تهزر أو تتريق على حد".

وأضاف خلال لقائه ببرنامج "كل يوم"، على فضائية "ON E"، مع الإعلامى عمرو أديب، من الجونة: "هل من الذكاء إنى أتريق على عمرو دياب؟ لإنى سمعت إنه زعل، بس أنا مش قصدى خالص"، مستطرداً: "أنا أول ماهرجت هرجت على نفسى ورمضان والسقا، ولو محدش بالقيمة دى مش هتجيب سيرته لأن الموضوع مش هيكون مهم".

وكان الفنان أحمد فهمى، داعب الهضبة عمرو دياب خلال مهرجان الجونة، قائلا:" الفنان الكبير مش هيقدر ييجى لأنه بيعقد حالياً جلسات عمل مكثفة مع عالم الفلك والأبراج السيد الألوسى،  للاستقرار على كلمات البومه الجديد، وهما لسه مستقروش على العمل الجاى إذا كان عقرب وكل اللى ييجى من عمرو كويس".