والد قمر: بنتى محتاجة 4 جلسات أكسجين كل يوم بـ200 جنيه ومعاشى 260 جنيها

رزقه الله بمولدته الرابعة، التى أطلق عليها اسم قمر، إلا أنها أصيبت بالتهاب رئوى حاد، بعد مولدها، فواجه الأب أزمة عدم وجود أماكن فى العناية المركزة للأطفال داخل العديد من المستشفيات التى طرق أبوابها لعلاج مولودته.

وقال عمرو فريد على، والد الطفلة قمر، صاحبة الـ 50 يوماً لـ"اليوم السابع" :"لفيت كعب داير على المستشفيات، روحت مستشفى النيل مفيش مكان، ومستشفى الساحل مفيش مكان، وفى مستشفى الدمرداش طلعونا من العناية الصبح عشان مفيش مكان، وأنا ببنتى فى الشارع مش عارف أعالجها فين".

وأضاف والد الطفلة قمر، الذى يعمل "فنى تكييف وتبريد"، بنبرة يملؤها الحزن: "أنا من يوم الأربعاء الماضى وأنا بكلم طوارئ وزارة الصحة، عشان يوفرولنا سرير، وكل ما بكلمهم يقولوا مفيش أماكن، هل وزارة الصحة عاجزة عن توفير سرير لطفلة لا حيلة لها".

وتابع: "أنا روحت ببنتى لمستشفى خاصة، طلبوا منى فلوس كتيرة، وأنا على باب الله، وعندى بيت وأربع أولاد، والبنت محتاجة جلسة أوكسجين، كل 6 ساعات، الجلسة الواحدة بـ50 جنيها طيب هجيب منين".

وطالب والد الطفلة، المسئولين المختصين، فى وزارة الصحة، بسرعة توفير سرير لابنته داخل أى رعاية أطفال فى أى مستشفى لسرعة علاجها حفاظاً على حياتها.

رقم والد قمر: 01223196487

الطفلة قمر

طلب فحص طبى

قمر عمرو فريد